Read Papantla Totonac Salmonan 143 Bible Online

Salmonan 143 - Papantla Totonac bible

Salmonan 143

¹Tende mi orashon, O SENOR, skucha mi suplikanan! Kontestami den Bo fieldat, den Bo hustisia!

²I no drenta den huisio ku Bo sirbido, pasobra den Bo bista ningun hende bibu no ta hustu.

³Pasobra e enemigu a persigui mi alma; el a trapa mi bida te na suela; el a hasimi biba den skuridat, manera esnan ku a muri hopi tempu pasa kaba.

⁴Pesei mi spiritu ta keda desmaya den mi; mi kurason ta keda desola den mi.

⁵Mi ta korda e dianan di prome aya; mi ta medita riba tur Bo obranan; mi ta reflekshona riba e obra di Bo mannan.

⁶Mi ta ekstende mi mannan na Bo; mi alma ta anhela na Bo manera un tera ku tin set di awa.

⁷Kontestami lihe, O SENOR, mi spiritu ta desmaya; no skonde Bo kara pa mi, pa mi no bira manera esnan ku ta baha den pos.

⁸Lagami tende Bo miserikordia den mainta, pasobra den Bo mi ta konfia; sinami e kaminda ku mi mester kana, pasobra na Bo mi ta halsa mi alma.

⁹Librami for di mi enemigunan, O SENOR; mi ta tuma refugio den Bo.

¹⁰Sinami hasi Bo boluntat, pasobra Abo ta mi Dios; laga Bo bon Spiritu guiami na e tera di rektitut.

¹¹Pa kousa di Bo nomber, O SENOR, rebibami. Den Bo hustisia, saka mi alma for di angustia.

¹²I den Bo miserikordia, kaba ku mi enemigunan, i destrui tur esnan ku ta afligi mi alma; pasobra mi ta Bo sirbido.