Read Papantla Totonac Salmonan 144 Bible Online

Salmonan 144 - Papantla Totonac bible

Salmonan 144

¹Bendishona sea SENOR, mi baranka, Kende ta tren mi mannan pa guera, i mi dedenan pa bataya;

²mi miserikordia i mi forti, mi toren fuerte i Esun ku ta librami; mi eskudo i Esun den Ken mi ta tuma refugio; Kende ta hasi pueblonan somete nan mes na mi.

³O SENOR, kiko hende ta, ku Bo ta korda riba dje? I e yu di hende, ku Bo ta hasi kaso di dje?

⁴Hende ta manera un rosea; su dianan ta manera un sombra ku ta pasa bai.

⁵Inklina Bo shelunan, O SENOR, i baha bin abou; toka e serunan, pa nan huma.

⁶Lansa lamper i plama nan; tira Bo flechanan i konfundi nan.

⁷Ekstende Bo man for di ariba; reskatami i librami for di awanan grandi, for di man di stranheronan,

⁸kende nan boka ta papia mentira, i kende nan man drechi ta man drechi di engano.

⁹O Dios, lo mi kanta un kantika nobo na Bo; riba arpa di dies kuerde lo mi kanta alabansa na Bo,

¹⁰na Esun ku ta duna salbashon na reinan, na Esun ku ta reskata Su sirbido David for di e spada di maldat.

¹¹Reskatami i librami for di man di stranheronan, kende nan boka ta papia mentira, i kende nan man drechi ta man drechi di engano.

¹²Laga nos yu hombernan den nan hubentut ta manera mata ku a krese bira grandi, i nos yu muhenan manera pilarnan di skina, traha manera pa un palasio;

¹³laga nos mangasinanan ta yen di tur sorto di provishon, i nos karnenan rende bira milnan i dies milnan den nos kunukunan.

¹⁴Laga nos bueynan ta yen di forsa pa traha, sin desgrasia i sin perdida, sin gritamentu den nos kayanan!

¹⁵Bendishona ta e pueblo ku ta asina para; bendishona ta e pueblo ku su Dios ta SENOR!