Read Papantla Totonac Salmonan 148 Bible Online

Salmonan 148 - Papantla Totonac bible

Salmonan 148

¹Alaba SENOR! Alaba SENOR for di e shelunan; alab'E den e halturanan!

²Alab'E, tur Su angelnan; alab'E, tur Su ehersitonan!

³Alab'E, solo i luna; alab'E, tur strea di lus!

⁴Alab'E, shelunan di shelunan, i e awanan ku ta ariba e shelunan!

⁵Laga nan alaba e nomber di SENOR, pasobra El a duna ordu, i nan tabata krea.

⁶Tambe El a stablese nan pa semper i semper; El a traha un dekreto ku lo no pasa nunka.

⁷Alaba SENOR for di tera, monster di laman i tur profundidat;

⁸kandela i hagel, sneu i nubia; bientu di tempestat, kumpliendo Su palabra;

⁹seru i tur seritu; palu di fruta i tur palu di seda;

¹⁰baka i tur bestia di kria; bestia ku ta lastra i parha ku ta bula;

¹¹rei di tera i tur pueblo; prens i tur hues di tera;

¹²tantu yonkuman komo birgen; ansiano i mucha.

¹³Laga tur alaba e nomber di SENOR, pasobra ta Su nomber so ta halsa; Su gloria ta mas haltu ku tera i shelu.

¹⁴I El a halsa un kachu pa Su pueblo, alabansa pa tur Su santunan, pa e yunan di Israel, un pueblo serka di djé. Alaba SENOR!