Read Papantla Totonac Salmonan 16 Bible Online

Salmonan 16 - Papantla Totonac bible

Salmonan 16

¹Wardami, O Dios, pasobra den Bo mi ta tuma refugio.

²Mi a bisa SENOR: "Abo ta mi Senor; fuera di Bo mi no tin nada bon."

³Pa loke ta e santunan ku ta riba tera, nan ta e ekselentenan, den kendenan tur mi delisia ta.

⁴E dolonan di esnan ku ta kore tras di un otro dios lo wordu multiplika; nan ofrendanan-di-bibida di sanger lo mi no ofrese, ni tuma nan nomber riba mi lepnan.

⁵SENOR ta e porshon di mi erensia i mi kopa; Bo ta sostene mi destino.

⁶E linanan a kai pa mi den luganan plasentero; di berdat, bunita ta e erensia ku ta tokami.

⁷Lo mi bendishona SENOR, Kende a dunami konseho; tambe mi kurason ta instruimi den oranan di anochi.

⁸Mi a pone SENOR semper mi dilanti; pasobra E ta na mi man drechi, lo mi no wordu movi.

⁹Pesei mi kurason ta kontentu, i mi alma ta regosiha; mi karni tambe lo biba den siguridat.

¹⁰Pasobra lo Bo no entrega mi alma na Seol, tampoko lo Bo no permiti Bo Santu mira korupshon.

¹¹Lo Bo mustrami e bereha di bida; den Bo presensia tin plenitut di goso; na Bo man drechi tin delisia pa semper.