Read Papantla Totonac Salmonan 17 Bible Online

Salmonan 17 - Papantla Totonac bible

Salmonan 17

¹Tende un kaso hustu, O SENOR, paga atenshon na mi sklamashon; skucha mi orashon, ku no ta sali for di lepnan enganoso.

²Laga mi sentensia prosede for di Bo presensia; laga Bo wowo mira loke ta korekto.

³Bo a proba mi kurason; anochi Bo a bishitami; Bo a ponemi na prueba i Bo no a hana nada; mi a disidi ku mi boka lo no transgresa.

⁴Pa loke ta e echonan di hende, dor di e palabra di Bo lepnan mi a warda mi mes di e berehanan di hende violento.

⁵Mi pasonan a keda firme den Bo berehanan; mi pianan no a slep.

⁶Mi a sklama na Bo, pasobra Abo lo kontestami, O Dios; inklina Bo orea na mi, i tende mi palabranan.

⁷Mustra Bo miserikordia na un manera maraviyoso, O Salbador di esnan ku ta tuma refugio na Bo man drechi, pa nan skonde pa esnan ku ta lanta kontra nan.

⁸Wardami manera Bo pret'i wowo; skondemi bou di e sombra di Bo halanan

⁹pa e malbadonan ku ta oprimimi, mi enemigunan mortal ku ta rondonami.

¹⁰Nan a sera nan kurason ku a bira sin heful; ku nan boka nan ta papia ku orguyo.

¹¹Awor nan a rondona nos pasonan; nan a fiha nan bista pa tira nos abou na suela.

¹²E ta manera un leon hambra pa proi, i manera un leon chikitu ku ta lur den luganan skondi.

¹³Lanta, O SENOR, enfrent'e, tir'e abou; ku Bo spada libra mi alma for di e malbado--

¹⁴ku Bo man, for di e hombernan, O SENOR, for di e hombernan di mundu, kende nan parti ta den e bida aki, i kende nan barika Bo ta yena ku Bo tesoro; nan ta yen di yu, i nan ta laga nan rikesa pa nan yunan chikitu.

¹⁵Ma pa loke t'ami, lo mi mira Bo kara den hustisia; i ora mi spierta lo mi ta satisfecho di mira Bo kara.papia e palabranan di e kantika aki ku SENOR riba e dia ku SENOR a libr'e for di man di tur su enemigunan i for di man di Saul. I el a bisa: