Read Papantla Totonac Salmonan 19 Bible Online

Salmonan 19 - Papantla Totonac bible

Salmonan 19

¹E shelunan ta konta di e gloria di Dios; i e firmamentu ta proklama e obra di Su mannan.

²Dia ta emiti palabra na otro dia, i nochi ta revela konosementu na otro nochi.

³No tin ni papiamentu ni idioma kaminda nan bos no ta wordu tendi.

⁴Nan lina ta sali bai riba henter tera, i nan palabranan te na e finnan di mundu. Den nan El a lanta un tent pa solo,

⁵kual ta meskos ku un bruidehom ku ta sali for di su kamber; e ta regosiha manera un kampeon, kla pa kore kareda.

⁶Su salida ta for di esun ekstremo di e shelunan, i su gira te na e otro ekstremo; i no tin nada ku ta keda skondi pa su kalor.

⁷E lei di SENOR ta perfekto, e ta restora alma; e testimonio di SENOR ta fiel, e ta hasi hende simpel bira sabi.

⁸E preseptonan di SENOR ta korekto, nan ta alegra kurason; e mandamentunan di SENOR ta puru, nan ta ilumina wowo.

⁹E temor di SENOR ta limpi, e ta permanese pa semper; e huisionan di SENOR ta berdadero, nan tur ta kompletamente hustu.

¹⁰Nan ta mas deseabel ku oro, si, mas ku hopi oro fini; tambe mas dushi ku miel i gotanan di panal di miel.

¹¹Ademas, pa medio di nan Bo sirbido ta keda spierta; i obedensia na nan ta trese gran rekompensa kune.

¹²Ken por diserni su mes erornan? Limpiami di mi pikanan skondi.

¹³Tambe warda Bo sirbido pa pikanan di arogansia; no laga nan tin dominio riba mi; e ora ei lo mi ta perfekto, i lo mi ta liber di transgreshon grandi.

¹⁴Laga e palabranan di mi boka i e meditashon di mi kurason ta aseptabel den Bo bista, O SENOR, mi baranka i mi Redentor.