Read Papantla Totonac Salmonan 20 Bible Online

Salmonan 20 - Papantla Totonac bible

Salmonan 20

¹Ku SENOR kontestabo den e dia di angustia! Ku e nomber di e Dios di Jakob defendebo!

²Ku E mandabo yudansa for di e santuario, i sostenebo for di Sion!

³Ku E korda tur bo ofrendanan di mainshi, i asepta bo ofrendanan kima!

⁴Ku E dunabo segun e deseo di bo kurason, i kumpli ku tur bo plannan!

⁵Nos lo kanta di alegria pa bo viktoria, i den e nomber di nos Dios nos lo lanta nos emblemanan. Ku SENOR kumpli ku tur bo petishonnan.

⁶Awor mi sa ku SENOR ta salba Su ungi; E lo kontest'e for di Su shelu santu, ku e forsa salbador di Su man drechi.

⁷Tin ku ta konfia den garoshi, otro den kabai, ma nos ta konfia den e nomber di SENOR, nos Dios.

⁸Nan a trompeka i a kai, ma nos a lanta i a keda riba pia.

⁹Salba, O SENOR; ku Rei kontesta nos den e dia ku nos yama.