Read Papantla Totonac Salmonan 21 Bible Online

Salmonan 21 - Papantla Totonac bible

Salmonan 21

¹O SENOR, den Bo forsa rei lo gosa, i kuantu e lo regosiha den Bo salbashon!

²Bo a dun'e e deseo di su kurason, i Bo no a nengu'e e petishon di su lepnan.

³Pasobra Bo ta bai kontr'e ku e bendishonnan di kosnan bon; Bo ta pone un korona di oro fni riba su kabes.

⁴El a pidiBo bida; Bo a dun'e esei, bida largu pa semper i semper.

⁵Su gloria ta grandi dor di Bo salbashon, splendor i mahestat Bo ta pone riba dje.

⁶Pasobra Bo ta hasie bendishona pa semper; bo ta yen'e ku goso den Bo presensia.

⁷Pasobra rei ta konfia den SENOR; dor di e miserikordia di e Haltisimo e lo no wordu movi.

⁸Bo man lo hana tur Bo enemigunan; Bo man drechi lo hana esnan ku ta odiabo.

⁹Den tempu di Bo rabia lo Bo hasi nan manera un fornu kayente-kayente; SENOR lo traga nan den Su furia, i kandela lo kaba ku nan.

¹⁰Lo Bo destrui nan yunan kita nan for di tera, i nan desendientenan for di meimei di e yunan di hende.

¹¹Maske nan a plania maldat kontra Bo, i a traha komplot, nan lo no logra.

¹²Pasobra lo Bo hasi nan bira nan lomba; lo Bo mek riba nan kara ku Bo kuerdenan di bog.

¹³Sea engrandesi, O SENOR, den Bo forsa; nos lo kanta i alaba Bo poder. salmo di David.