Read Papantla Totonac Salmonan 24 Bible Online

Salmonan 24 - Papantla Totonac bible

Salmonan 24

¹Tera ta di SENOR, i tur loke ku e ta kontene, mundu, i esnan ku ta biba den dje.

²Pasobra El a fund'e riba e lamannan, i a stables'e riba e riunan.

³Ken por subi bai den e seru di SENOR? I ken por para den Su luga santu?

⁴Esun ku tin man limpi i kurason puru, ku no a halsa su alma na banidat, i ku no a hura ku engano.

⁵Esei lo risibi un bendishon for di SENOR, i hustisia for di e Dios di su salbashon.

⁶Esaki ta e generashon di esnan ku ta busk'E, ku ta buska Bo kara, O Dios di Jakob.

⁷Halsa boso kabesnan, O portanan, i keda halsa, O portanan eterno, pa asina e Rei di gloria por drenta!

⁸Ta ken ta e Rei di gloria? SENOR, fuerte i poderoso, SENOR, poderoso den bataya.

⁹Halsa boso kabesnan, O portanan; halsa nan, O portanan eterno, pa e Rei di gloria por drenta!

¹⁰Ta ken ta e Rei di gloria aki? E SENOR di ehersitonan, ta E ta e Rei di gloria.