Read Papantla Totonac Salmonan 26 Bible Online

Salmonan 26 - Papantla Totonac bible

Salmonan 26

¹Vindikami, O SENOR, pasobra mi a kana den mi integridat; i mi a konfia den SENOR sin titubia.

²Skudrinami, O SENOR, i ponemi na prueba; samina mi mente i mi kurason.

³Pasobra Bo miserikordia ta dilanti di mi wowo, i mi a kana den Bo berdat.

⁴Mi no ta sinta huntu ku hombernan ganado, tampoko lo mi no anda ku hipokritnan.

⁵Mi ta odia e asamblea di hasidonan di maldat, i lo mi no sinta huntu ku e malbadonan.

⁶Lo mi laba mi man den inosensia, i lo mi atende Bo altar, O SENOR,

⁷pa mi proklama ku bos di gradisimentu i deklara tur Bo maraviyanan.

⁸O SENOR, mi ta stima e kas kaminda Bo ta biba i e luga kaminda Bo gloria ta keda.

⁹No tuma mi alma huntu ku pekadonan, ni mi bida huntu ku hombernan ku ta drama sanger,

¹⁰den kende nan man tin plan di maldat, i nan man drechi ta yen di plaka pasa bou di mesa.

¹¹Ma pa loke t'ami, lo mi kana den mi integridat; redimimi i tene miserikordia di mi.

¹²Mi pia ta para riba un luga lizu; den e kongregashonnan lo mi bendishona SENOR.