Read Papantla Totonac Salmonan 28 Bible Online

Salmonan 28 - Papantla Totonac bible

Salmonan 28

¹Na Bo, O SENOR, mi ta sklama; mi baranka, no sera Bo orea pa mi, pasobra si Bo keda ketu, lo mi bira manera esnan ku ta baha den pos.

²Tende na e bos di mi suplikanan ora mi sklama na Bo pa yudansa, ora mi hisa mi mannan na Bo santuario santu.

³No lastrami hiba ku e malbadonan, i ku esnan ku ta hasi inikidat, ku ta papia pas ku nan prohimo, mientras ku ta maldat tin den nan kurason.

⁴Duna nan segun nan akshon, i segun e maldat di nan kustumbernan; duna nan segun e obranan di nan mannan; paga nan bek loke nan merese.

⁵Pasobra nan no ta respeta e echonan di SENOR, ni e obranan di Su mannan, E lo basha nan abou i lo no lanta nan bek.

⁶Bendishona sea SENOR, pasobra El a skucha bos di mi suplika.

⁷SENOR ta mi fortalesa i mi eskudo; mi kurason ta konfia den djé, i mi ta wordu yuda; pesei mi kurason ta regosiha, i ku mi kantika lo mi alab'E.

⁸SENOR ta nan fortalesa, i E ta un refugio di salbashon pa Su ungi.

⁹Salba Bo pueblo i bendishona Bo erensia; sea tambe nan wardado i karga nan pa semper.