Read Papantla Totonac Salmonan 32 Bible Online

Salmonan 32 - Papantla Totonac bible

Salmonan 32

¹Bendishona ta esun, kende su transgreshon ta pordona, kende su pika ta tapa!

²Bendishona ta e hende, kende su inikidat SENOR no ta tuma na kuenta, i den kende su spiritu no tin engano!

³Mientras ku mi a keda ketu, mi kurpa a para kaba na nada dor di mi kehamentu henter dia.

⁴Pasobra di dia i anochi Bo man tabata pisa riba mi; mi vigor a seka manera den tempu di hopi kalor.

⁵Mi a atmiti mi pika na Bo, i mi inikidat mi no a skonde; mi a bisa: "Lo mi konfesa mi transgreshonnan na SENOR"; i Bo a pordona e kulpa di mi pika.

⁶Pesei, laga tur ku ta deboto hasi orashon na Bo den e tempu ku Bo por wordu hana; siguramente den inundashon di awanan enorme nan lo no alkans'e.

⁷Bo ta mi luga di skonde; Bo ta wardami di angustia; Bo ta rondonami ku kantika di liberashon.

⁸Lo Mi instruibo i sinabo e kaminda ku bo tin ku kana; lo Mi konsehabo; mi wowo ta riba bo.

⁹No sea manera kabai of manera mula, ku no tin komprendementu, ku mester wordu domina ku bosal i frena, sino nan no ta bin serka bo.

¹⁰Hopi ta e penanan di e malbado, ma esun ku ta konfia den SENOR, miserikordia lo rondon'e.

¹¹Sea kontentu den SENOR i regosiha, boso, hustunan, i grita di alegria, boso tur ku ta rekto di kurason.