Read Papantla Totonac Salmonan 33 Bible Online

Salmonan 33 - Papantla Totonac bible

Salmonan 33

¹Kanta ku alegria na SENOR, O boso, hustunan; alabansa ta pas pa esnan ku ta rekto.

²Duna gradisimentu na SENOR ku lirio; kanta alabansa na djé ku arpa di dies kuerde.

³Kanta un kantika nobo na djé; toka bunita, ku gritu di alegria.

⁴Pasobra e palabra di SENOR ta berdadero, i tur Su obra ta hasi den fieldat.

⁵E ta stima hustisia i huisio; mundu ta yen di e miserikordia di SENOR.

⁶Dor di e palabra di SENOR e shelunan a wordu traha, i dor di e rosea di Su boka, henter nan ehersito.

⁷E ta hunta awanan di laman manera un dam; E ta pone e profundidatnan den depositonan.

⁸Laga henter tera teme SENOR; laga tur habitante di mundu para ku temor Su dilanti.

⁹Pasobra El a papia, i asina tabata; El a duna ordu, i esei a bin na eksistensia.

¹⁰SENOR ta hasi e konseho di nashonnan bira nada; E ta desbarata plannan di e pueblonan.

¹¹E konseho di SENOR ta permanese pa semper; e plannan di Su kurason ta di generashon pa generashon.

¹²Bendishona ta e nashon ku su Dios ta SENOR, e pueblo ku El a skohe pa Su propio erensia.

¹³SENOR ta mira for di shelu; E ta opserva tur e yunan di hende;

¹⁴for di Su luga di biba E ta mira riba tur e habitantenan di tera.

¹⁵E ta forma kurason di nan tur; E ta komprende tur nan obranan.

¹⁶Rei no ta wordu salba pa medio di un ehersito poderoso; un guerero no ta wordu libra pa medio di hopi forsa.

¹⁷Un kabai ta speransa falsu pa gana viktoria; tampoko e no ta libra ningun hende ku su forsa enorme.

¹⁸Ata, e wowo di SENOR ta riba esnan ku ta tem'E, riba esnan ku ta spera riba Su miserikordia,

¹⁹pa libra nan alma for di morto, i pa tene nan na bida den tempu di hamber.

²⁰Nos alma ta spera riba SENOR; E ta nos yudansa i nos eskudo,

²¹pasobra nos kurason ta regosiha den djé, pasobra nos ta konfia den Su nomber santu.

²²Laga Bo miserikordia keda riba nos, O SENOR, meskos ku nos ta spera den Bo.Abimelek, kende a kore kune, i el a bai.