Read Papantla Totonac Salmonan 34 Bible Online

Salmonan 34 - Papantla Totonac bible

Salmonan 34

¹Lo mi bendishona SENOR den tur tempu; Su alabansa lo ta kontinuamente den mi boka.

²Mi alma lo gloria den SENOR; e umildenan lo tende i regosiha.

³O engrandese SENOR ku mi, i laga nos halsa Su nomber huntu.

⁴Mi a buska SENOR, i El a kontestami, i a librami for di tur mi temornan.

⁵Nan a hisa kara mira na djé i a keda radiante, i nunka nan kara lo keda na berguensa.

⁶E pober hende aki a sklama i SENOR a tend'e, i a salb'e for di tur su angustianan.

⁷E Angel di SENOR ta kampa ront di esnan ku ta tem'E, i ta reskata nan.

⁸O purba i mira ku SENOR ta bon; bendishona ta e hende ku ta tuma refugio den djé!

⁹O teme SENOR, boso Su santunan, pasobra esnan ku ta tem'E no tin falta di nada.

¹⁰Leon chikitu si tin nesesidat i ta pasa hamber, ma esnan ku ta buska SENOR lo no tin falta di ningun kos

¹¹Bin, yunan, skuchami; lo mi sina boso e temor di SENOR.

¹²Ta ken ta e hende ku ta desea bida, i ta stima bida largu, pa e por mira bondat?

¹³Warda bo lenga di maldat, i bo lepnan di papia engano.

¹⁴Aparta bo mes for di maldat i hasi bon; buska pas i siguie.

¹⁵E wowonan di SENOR ta riba e hustunan, i Su oreanan ta atento pa skucha nan sklamashon.

¹⁶E kara di SENOR ta kontra hasidonan di maldat, pa korta e rekuerdo di nan kita for di riba tera.

¹⁷E hustunan ta sklama i SENOR ta tende, i ta libra nan for di tur nan angustianan.

¹⁸SENOR ta serka di e hende di kurason kibra, i ta salba esnan di spiritu abati.

¹⁹Hopi ta e aflikshonnan di e hustu, ma SENOR ta libr'e for di nan tur.

²⁰E ta kuida tur su wesunan; ningun di nan no ta wordu kibra.

²¹Maldat ta mata e malbado; i esnan ku ta odia e hustu lo wordu kondena.

²²SENOR ta redimi alma di Su sirbidonan; i ningun di esnan ku ta tuma refugio den djé lo no wordu kondena.