Read Papantla Totonac Salmonan 36 Bible Online

Salmonan 36 - Papantla Totonac bible

Salmonan 36

¹Transgreshon ta papia ku e malbado den su kurason; no tin temor di Dios dilanti di su wowo.

²Pasobra den su mes bista ta esei ta gan'e, ku su inikidat lo no wordu deskubri ni odia.

³E palabranan di su boka ta maldat i engano; el a laga di ta sabi i di hasi bon.

⁴E ta plania maldat riba su kama; e ta kohe un kaminda ku no ta bon; e no ta aborese maldat.

⁵Bo miserikordia, O SENOR, ta yega te den shelunan; Bo fieldat ta alkansa e nubianan.

⁶Bo hustisia ta manera e serunan di Dios; Bo huisionan ta un gran profundidat. O SENOR, Bo ta preserva hende i bestia.

⁷Ki presioso Bo miserikordia ta, O Dios! I e yunan di hende ta tuma refugio den e sombra di Bo halanan.

⁸Nan ta bebe nan barika yen di e abundansia di Bo kas; i Bo ta duna nan di bebe for di e riu di Bo delisianan.

⁹Pasobra ta serka Bo e fuente di bida ta; den Bo lus nos ta mira lus.

¹⁰Laga Bo miserikordia kontinua pa esnan ku konoseBo, i Bo hustisia pa esnan rekto di kurason.

¹¹No laga e pia di orguyo bin kontra mi, ni laga man di e malbado kore ku mi.

¹²Ayanan e hasidonan di inikidat a kai; nan a wordu tira abou i no por lanta mas.