Read Papantla Totonac Salmonan 42 Bible Online

Salmonan 42 - Papantla Totonac bible

Salmonan 42

¹Manera bina ta anhela na koridanan di awa, asina mi alma ta anhela na Bo, O Dios.

²Mi alma tin set di Dios, di e Dios bibu; ki dia lo mi bin i presenta dilanti di Dios?

³Mi lagrimanan tabata mi kuminda di dia i anochi, mientras nan ta puntrami henter dia: "Unda bo Dios ta?"

⁴E kosnan aki mi ta korda, i mi ta drama mi alma den mi. Pasobra mi tabatin kustumber di bai ku e multitut i guia nan den proseshon na e kas di Dios, ku bos di goso i gradisimentu, un multitut ku tabata selebra dia di fiesta.

⁵Pakiko bo ta abati, O mi alma? I pakiko bo a bira intrankil den mi? Spera riba Dios, pasobra lo mi bolbe alab'E pa e yudansa di Su presensia.

⁶O mi Dios, mi alma ta abati den mi; pesei mi ta korda riba Bo for di tera di Jordan, i e halturanan di Hermon, for di Seru Mizar.

⁷Profundidat ta yama profundidat na e zonidu di Bo waterfalnan; tur Bo ondanan i olanan grandi a pasa riba mi.

⁸SENOR lo manda Su miserikordia den dia; i anochi Su kantika lo ta ku mi, un orashon na e Dios di mi bida.

⁹Lo mi puntra Dios, mi baranka: "Pakiko Bo a lubidami? Pakiko mi ta kana bisti na rou pa motibu di e opreshon di e enemigu?"

¹⁰Komo si fuera ta garna nan ta garna mi wesunan, asina mi atversarionan ta reprochami, mientras ku nan ta puntrami henter dia: "Unda bo Dios ta?"

¹¹Pakiko bo ta abati, O mi alma? i pakiko bo a bira intrankil den mi? Spera riba Dios, pasobra ainda lo mi alab'E, mi Salbador i mi Dios.