Read Papantla Totonac Salmonan 44 Bible Online

Salmonan 44 - Papantla Totonac bible

Salmonan 44

¹O Dios, ku nos orea nos a tende, nos tatanan a konta nos e obra ku Bo a hasi den nan dianan, den e dianan di prome aya.

²Ku Bo mes man Bo a kore ku nashonnan, i Bo a planta nos tatanan; Bo a afligi e pueblonan, i Bo a plama nan tur parti.

³Pasobra no ta pa medio di nan mes spada nan a podera di e tera, ni tampoko nan mes brasa a libra nan, ma Bo man drechi i Bo brasa, i e lus di Bo presensia, pasobra Bo tabata stima nan.

⁴Abo ta mi Rei, O Dios; ordena viktorianan pa Jakob.

⁵Pa medio di Bo nos lo tumba nos atversarionan; den Bo nomber nos lo trapa riba esnan ku ta lanta kontra nos.

⁶Pasobra lo mi no konfia den mi bog, ni mi spada lo no salbami.

⁷Ma Abo a libra nos for di nos atversarionan, i Bo a brongosa esnan ku ta odia nos.

⁸Den Dios nos a gloria henter dia, i nos lo alaba Bo nomber pa semper.

⁹Sinembargo, Bo a rechasa nos, i a pone nos na berguensa, i Bo no ta sali huntu ku nos ehersitonan.

¹⁰Bo ta hasi nos hal'atras pa e atversario; i esnan ku ta odia nos a kohe botin pa nan mes.

¹¹Bo ta entrega nos manera karne ku ta wordu mata pa kome, i Bo a plama nos meimei di e nashonnan.

¹²Bo ta bende Bo pueblo barata, i no a hasi ningun ganashi ku e benta aki.

¹³Bo a hasi nos un reproche pa nos bisinanan, un bofon i un despresio pa esnan ront di nos.

¹⁴Bo ta hasi nos un proverbio den e nashonnan, un kos di hari den e pueblonan.

¹⁵Henter dia mi desonor ta mi dilanti, i mi umiyashon a podera di mi,

¹⁶pa motibu di e bos di esun ku ta reprocha i blasfema, pa motibu di e presensia di e enemigu i e vengado.

¹⁷Tur esaki a bin riba nos, ma nos no a lubidaBo, i nos no a kibra Bo aliansa.

¹⁸Nos kurason no a hal'atras, ni nos pasonan no a desvia for di Bo kaminda;

¹⁹sinembargo, Bo a kibra nos na pida-pida na un luga pa chakal biba aden, i a tapa nos ku e sombra di morto.

²⁰Si nos a lubida e nomber di nos Dios, of a ekstende nos mannan na un dios stranhero,

²¹Dios lo no a deskubri esaki? Pasobra E konose e sekretonan di kurason.

²²Sp pa Bo kousa nos ta wordu mata henter dia; nos ta wordu konsidera komo karne pa wordu mata.

²³Lanta, O SENOR, pakiko Bo ta drumi? Spierta, no rechasa nos pa semper.

²⁴Pakiko Bo ta skonde Bo kara, i ta lubida nos aflikshon i nos opreshon?

²⁵Pasobra nos alma a baha bai te den stof; nos kurpa ta pega na tera.

²⁶Lanta pa yuda nos, i redimi nos pa motibu di Bo miserikordia.e yu hombernan di Kore. Un kantika di amor.