Read Papantla Totonac Salmonan 45 Bible Online

Salmonan 45 - Papantla Totonac bible

Salmonan 45

¹Mi kurason ta rebosa di palabranan bon; mi ta dirigi mi poesia na Rei; mi lenga ta pen di un skirbido eksperto.

²Bo ta mas bunita ku e yunan di hende; grasia ta basha riba Bo lepnan; pesei Dios a bendishonaBo pa semper.

³Faha Bo spada na Bo hep, O Esun Poderoso, ku Bo splendor i Bo mahestat!

⁴I den Bo mahestat sali bai viktoriosamente pa kousa di berdat, umildat i hustisia; laga Bo man drechi sinaBo kosnan temibel.

⁵Bo flechanan ta skerpi den kurason di e enemigunan di Rei; pueblonan ta kai bou di Bo.

⁶Bo trono, O Dios, ta pa semper i semper; e septer di Bo reino ta un septer di hustisia.

⁷Bo a stima hustisia i a odia maldat; pesei Dios, Bo Dios, a ungiBo ku e zeta di goso, mas ku Bo kompaneronan.

⁸Tur Bo pananan tin fragansia di mirra, aloe i kasia; for di palasionan di ivor instrumentnan di kuerde a hasiBo kontentu.

⁹Yu muhenan di reinan ta entre Bo damanan di onor; e reina ta para na Bo man drechi, bistl na oro for di Ofir.

¹⁰Skucha, O yu muhe, paga atenshon i inklina bo orea; lubida bo pueblo i e kas di bo tata;

¹¹e ora ei Rei lo desea bo bunitesa; pasobra E ta bo Senor, buig Su dilanti.

¹²I e yu muhe di Tiro lo bin ku un regalo; e rikunan den e pueblo lo buska bo fabor.

¹³Den tur su gloria e yu muhe di Rei ta den e parti mas paden di e palasio; su bisti ta gewef ku hilu di oro den dje.

¹⁴Nan lo lei e hiba serka Rei, bisti na pana tur borda; e birgennan, su kompaneranan ku ta siguie, lo wordu hiba serka Bo.

¹⁵Nan lo lei nan hiba paden ku alegria i goso; nan lo drenta e palasio di Rei.

¹⁶Bo yunan lo ta na luga di Bo tatanan; lo Bo nombra nan komo prens den henter e pais.

¹⁷Lo Mi hasi ku Bo nomber ta keda rekorda den tur generashon; pesei e pueblonan lo alabaBo pa semper i semper.pa Alamot. Un kantika.