Read Papantla Totonac Salmonan 46 Bible Online

Salmonan 46 - Papantla Totonac bible

Salmonan 46

¹Dios ta nos refugio i fortalesa, un pronto ousilio den tempu di angustia.

²Pesei nos lo no tin miedu, maske tera kita for di su luga, i maske e serunan slep bai den e kurason di laman;

³maske su awanan ronka i skuma, maske e serunan tembla dor di su furia.

⁴Tin un riu, su koridanan ta alegra e stat di Dios, e luganan santu kaminda e Haltisimo ta biba.

⁵Dios ta meimei di dje; e lo no wordu movi; Dios lo yud'e ora dia ta habri.

⁶E nashonnan a borota, e reinonan a tambalia; El a halsa Su bos, tera a dirti.

⁷E SENOR di ehersitonan ta ku nos; e Dios di Jakob ta nos refugio.

⁸Bin, mira e obranan di SENOR, Kende a hasi desolashonnan riba tera.

⁹E ta hasi gueranan stop te na e fin di tera; E ta kibra bog i ta korta lansa na dos; E ta kima e garoshinan ku kandela.

¹⁰"Sea ketu, i sabi ku Ami ta Dios; lo Mi wordu halsa meimei di e nashonnan, lo Mi wordu halsa riba tera."

¹¹E SENOR di ehersitonan ta ku nos; e Dios di Jakob ta nos refugio.