Read Papantla Totonac Salmonan 47 Bible Online

Salmonan 47 - Papantla Totonac bible

Salmonan 47

¹Pueblonan tur, bati man; grita na Dios ku bos di alegria.

²Pasobra e SENOR Haltisimo ta di teme, un Rei grandi riba henter mundu.

³E ta hasi pueblonan somete nan mes na nos, i nashonnan somete bou di nos pia.

⁴E ta skohe nos erensia pa nos, e gloria di Jakob, kende E ta stima.

⁵Dios a subi bai ariba ku un gritu, SENOR, ku zonidu di trompet.

⁶Kanta alabansa na Dios, kanta alabansa; kanta alabansa na nos Rei, kanta alabansa.

⁷Pasobra Dios ta Rei di henter mundu; kanta alabansa ku komprendementu.

⁸Dios ta reina riba e nashonnan, Dios ta sinta riba Su trono santu.

⁹E prensnan di e nashonnan a reuni huntu komo e pueblo di e Dios di Abraham, pasobra e eskudonan di mundu ta pertenese na Dios; E ta altamente halsa.