Read Papantla Totonac Salmonan 48 Bible Online

Salmonan 48 - Papantla Totonac bible

Salmonan 48

¹SENOR ta grandi i digno di ser alaba na gran manera, den e stat di nos Dios, Su seru santu.

²Bunita pa motibu di su haltura, e goso di henter mundu, ta Seru Sion, leu aya den nort, e stat di e gran Rei.

³Dios, den su palasionan, a hasi Su mes konosi komo un refugio.

⁴Pasobra, mira, e reinan a reuni, tur huntu nan a pasa bai.

⁵Nan a mir'e, nan a keda asombra; nan a hana un sustu, tur turdi nan a hui bai.

⁶Temblamentu a podera di nan ayanan, dolo, manera di un muhe na ora di parto.

⁷Ku bientu di pariba Bo ta kibra barkunan di Tarsis.

⁸Manera nos a tende, asina nos a mira den e stat di e SENOR di ehersitonan, den e stat di nos Dios; Dios lo stablese esaki pa semper.

⁹Nos a korda riba Bo miserikordia, O Dios, meimei di Bo tempel.

¹⁰Manera Bo nomber, O Dios, asina Bo alabansa ta te na e finnan di tera; Bo man drechi ta yen di hustisia.

¹¹Laga Seru Sion ta kontentu, laga e yu muhenan di Juda regosiha pa motibu di Bo huisionan.

¹²Kana ront di Sion, i pasa ront di dje. Konta su torennan;

¹³konsidera su murayanan di defensa; pasa dor di su palasionan; pa bo por konta esaki na e proksimo generashon.

¹⁴Pasobra e Dios aki ta nos Dios, pa semper i semper; E lo guia nos te na morto.