Read Papantla Totonac Salmonan 5 Bible Online

Salmonan 5 - Papantla Totonac bible

Salmonan 5

¹Skucha mi palabranan, O SENOR, konsidera mi meditashon.

²Paga atenshon na e bos di mi klamor, mi Rei i mi Dios, pasobra ta na Bo mi ta hasi orashon.

³Den mainta, O SENOR, lo Bo tende mi bos; den mainta mi ta dirigi mi orashon na Bo, i ta spera.

⁴Pasobra Abo no ta un Dios ku ta hiba gustu den maldat; maldat no ta biba den Bo presensia.

⁵Esnan ku ta gusta gaba lo no para dilanti di Bo bista; Bo ta odia tur esnan ku ta hasi inikidat.

⁶Bo ta destrui esnan ku ta papia mentira; SENOR ta aborese e homber dramado di sanger i ganado.

⁷Ma pa loke t'ami, pa medio di e abundansia di Bo miserikordia lo mi drenta Bo kas; den direkshon di Bo tempel santu lo mi buig ku reverensia pa Bo.

⁸O SENOR, guiami den Bo hustisia pa motibu di mi enemigunan; hasi Bo kaminda stret mi dilanti.

⁹Pasobra den nan boka no tin berdat; nan paden ta yen di destrukshon; nan garganta ta un graf habri; ku nan lenga nan ta labia.

¹⁰Deklara nan kulpabel, O Dios; laga nan kai pa medio di nan mes plannan di maldat! Pa motibu di e multitut di nan transgreshonnan, benta nan afo, pasobra nan ta rebelde kontra Bo.

¹¹Ma laga tur esnan ku ta tuma refugio den Bo alegra nan mes; laga nan kanta di alegria pa semper, pasobra ta Abo ta proteha nan; laga esnan ku ta stima Bo nomber regosiha den Bo.

¹²Pasobra ta Abo, O SENOR, ta bendishona e hende hustu; manera ku un eskudo Bo ta rondon'e ku fabor.ocho kuerde. Un salmo di David.