Read Papantla Totonac Salmonan 50 Bible Online

Salmonan 50 - Papantla Totonac bible

Salmonan 50

¹Esun Poderoso, Dios e SENOR, a papia, i a konvoka mundu for di ora solo ta sali te ora ku e ta drenta.

²For di Sion, e perfekshon di bunitesa, Dios a resplandese.

³Nos Dios ta bin i E lo no keda ketu; kandela ta devora dilanti di djé, i ront di djé tin tempestat pisa.

⁴E ta konvoka e shelunan ariba, i tera, pa E huzga Su pueblo:

⁵"Reuni Mi santunan serka Mi, esnan ku a sera un aliansa ku Mi pa medio di sakrifisio."

⁶I e shelunan ta deklara Su hustisia, pasobra Dios mes ta Hues.

⁷"Tende, O Mi pueblo, i lo Mi papia; O Israel, i lo Mi testifika kontra bo; Mi ta Dios, bo Dios.

⁸Mi no ta reprendebo pa bo sakrifisionan, ni pa bo ofrendanan kima, kualnan ta kontinuamente Mi dilanti.

⁹Lo Mi no tuma ni un bishe machu for di bo kas, ni ningun kabritu chubatu for di bo krianan di bestia.

¹⁰Pasobra tur bestia di mondi ta di Mi, e bakanan riba mil seru.

¹¹Mi konose tur parha di e serunan; i tur loke ta move den kunuku ta di Mi.

¹²Si Mi tabatin hamber, lo Mi no a bisabo; pasobra mundu ta di Mi, i tur loke ku e ta kontene.

¹³Mi mester kome karni di bishe machu, of bebe sanger di kabritu chubatu?

¹⁴Ofrese na Dios un sakrifisio di gradisimentu, i paga bo promesanan na e Haltisimo;

¹⁵i sklama na Mi den e dia di angustia; lo Mi reskatabo, i abo lo glorifikaMi."

¹⁶Ma na e malbado Dios ta bisa: "Ki derecho bo tin pa deklara Mi statutonan, i pa tuma Mi aliansa den bo boka?

¹⁷Pasobra bo ta odia disiplina, i bo ta tira Mi palabranan tras di bo lomba.

¹⁸Ora bo mira un ladron, bo ta konsenti kune, i bo ta asosia ku adulteronan.

¹⁹Bo ta permit! bo boka mete ku maldat, i bo lenga ta kompone engano.

²⁰Bo ta sinta papia kontra bo ruman; bo ta kalumnia yu di bo mes mama.

²¹E kosnan aki bo a hasi, i Mi a keda ketu; bo a kere ku Ami ta meskos ku bo; lo Mi reprendebo i konfrontabo ku nan.

²²"Awor konsidera esaki, boso ku ta lubida Dios, pa Mi no sker boso na pida-pida, sin ku tin un hende pa libra boso.

²³Esun ku ofrese sakrifisio di gradisimentu ta onraMi; i na esun ku ordena su kaminda korektamente lo Mi mustra e salbashon di Dios."bin serka dje, despues ku e tabatin relashon ku Betsabe.