Read Papantla Totonac Salmonan 53 Bible Online

Salmonan 53 - Papantla Totonac bible

Salmonan 53

¹E bobo a bisa den su kurason: "No tin Dios." Nan ta korumpi i a komete inhustisia abominabel; no tin ni un hende ku ta hasi bon.

²For di shelu Dios a wak abou riba e yunan di hende, pa mira si tin un ku ta komprende, un ku ta buska Dios.

³Kada un di nan a desvia; huntu nan a bira korumpi; no tin ni un hende ku ta hasi bon, ni sikiera un.

⁴E hasidonan di maldat no tin komprendementu anto, esnan ku ta kome Mi pueblo, komo si fuera ta pan nan ta kome, nan no ta sklama na Dios?

⁵Aya nan tabata tembla di spantu, mientras ku no tabatin spantu; pasobra Dios a plama wesu di esun ku tabata kampa kontra bo; bo a brongosa nan, pasobra Dios a rechasa nan.

⁶O ku e salbashon di Israel lo a bin for di Sion! Dia Dios trese Su pueblo, ku ta den koutiverio, bek, laga Jakob regosiha, laga Israel ta kontentu.David, tempu ku e zifeonan a bin bisa Saul: "No ta meimei di nos David ta skondi?"