Read Papantla Totonac Salmonan 55 Bible Online

Salmonan 55 - Papantla Totonac bible

Salmonan 55

¹Skucha mi orashon, O Dios, i no skonde Bo mes pa mi suplika;

²paga atenshon na mi i kontestami. Mi pensamentunan ta molestiami, i mi ta masha intrankil,

³pa motibu di e bos di e enemigu, pa motibu di e opreshon di e malbado; pasobra nan ta montona sufrimentu i den rabia nan ta odiami.

⁴Mi kurason ta kremp di dolo den mi, i e terornan di morto a kai riba mi.

⁵Miedu i temblamentu ta bin riba mi; i horor a podera di mi.

⁶I mi a bisa: "Mara mi tabatin hala manera palomba! Lo mi a bula bai i lo mi tabatin sosiegu.

⁷Mira, lo mi a hui bai leu, lo mi a hospeda den desierto.

⁸Lo mi a pura bai na mi luga di refugio leu di bientu duru i for di tempestat."

⁹Destrui, O Senor, konfundi nan lenga, pasobra mi a mira violensia i pleitu den e stat.

¹⁰Di dia i anochi nan ta pasa ront di e stat riba su murayanan; tin inikidat i trobel meimei di dje.

¹¹Tin destrukshon meimei di dje; opreshon i engano no ta kita for di su kayanan.

¹²No ta un enemigu ta reprochami, pasobra esei lo mi por a soporta; ni no ta esun ku ta odiami ta halsa su mes kontra mi, pasobra lo mi por a skonde p'e.

¹³Ma ta abo, un hende meskos ku mi, mi kompanero, i un hende ku mi konose bon.

¹⁴Nos ku tabatin dushi komunion huntu, ku tabata kana bai na e kas di Dios ku e multitut.

¹⁵Laga morto kohe nan di sorpresa; laga nan baha bibu den Seol, pasobra tin maldat den nan kas, meimei di nan.

¹⁶Ma pa loke t'ami, lo mi sklama na Dios, i SENOR lo salbami.

¹⁷Atardi, mainta i merdia lo mi keha i grita yora, i E lo tende mi bos.

¹⁸Na pas E lo redimi mi alma for di e bataya ku ta kontra mi, pasobra esnan ku ta lucha kontra mi ta hopi.

¹⁹Dios lo tende i afligi nan-- esun ku ta sinta riba trono for di prome aya-- nan no ta kambia nunka, i nan no tin temor pa Dios.

²⁰Mi kompanero a saka su man kontra esnan ku tabata na pas kune; el a kibra su aliansa.

²¹E palabranan di su boka tabata mas suave ku manteka, ma den su kurason tabatin guera; su palabranan tabata mas suave ku zeta, sinembargo, nan tabata spadanan saka for di balina.

²²Tira bo karga riba SENOR, i E lo sostenebo; nunka E lo no permiti pa e hustu wordu movi.

²³Ma Abo, O Dios, lo hasi nan baha den e pos di destrukshon; hombernan dramado di sanger i enganoso lo no biba ni mitar di nan dianan. Ma ami lo konfia den Bo.un tera leu". Un Miktam di David, tempu ku e filisteonan a gar'e na Gat.