Read Papantla Totonac Salmonan 56 Bible Online

Salmonan 56 - Papantla Totonac bible

Salmonan 56

¹Tene miserikordia di mi, O Dios, pasobra hende ta trapa riba mi; bringando henter dia e ta oprimimi.

²Mi enemigunan ta trapa riba mi henter dia, pasobra hopi ta esnan ku den nan orguyo ta bringa kontra mi.

³Ora mi tin miedu, lo mi konfia den Bo.

⁴Den Dios, Kende Su palabra mi ta alaba, den Dios mi a pone mi konfiansa; lo mi no tin miedu. Kiko hende por hasimi?

⁵Henter dia nan ta trose mi palabranan; tur nan pensamentunan ta kontra mi, pa hasimi dano.

⁶Nan ta reuni, nan ta skonde, nan ta opserva mi pasonan, mientras ku nan ta lur pa kita mi bida.

⁷Pa motibu di maldat, tira nan afo, den rabia, benta e pueblonan abou, O Dios!

⁸Bo a nota tur e biahanan ku mi a kana dwal; pone mi lagrimanan den Bo butishi; nan no ta den Bo buki?

⁹E ora ei mi enemigunan lo hal'atras den e dia ku mi sklama na Bo; esaki si mi sa, ku Dios ta ku mi.

¹⁰Den Dios, Kende Su palabra mi ta alaba, den SENOR, Kende Su palabra mi ta alaba,

¹¹den Dios mi a pone mi konfiansa; lo mi no tin miedu. Kiko hende por hasimi?

¹²Bo promesanan ta riba mi, O Dios; lo mi duna ofrendanan di gradisimentu na Bo.

¹³Pasobra Bo a libra mi alma for di morto; di berdat, Bo a warda mi pianan pa mi no trompeka, asina ku mi por kana dilanti di Dios den e lus di bida.di David, tempu ku el a hui pa Saul i a bai den kueba.