Read Papantla Totonac Salmonan 57 Bible Online

Salmonan 57 - Papantla Totonac bible

Salmonan 57

¹Tene miserikordia di mi, O Dios, tene miserikordia di mi, pasobra den Bo mi alma ta tuma refugio; den e sombra di Bo halanan lo mi tuma refugio, te ora ku destrukshon pasa bai.

²Lo mi sklama na Dios Haltisimo, na Dios, Kende ta kumpli ku tur kos pa mi.

³E lo manda for di shelu i salbami; E ta reprocha esun ku trapa riba mi. Dios lo manda Su miserikordia i Su berdat.

⁴Mi alma ta meimei di leonnan; mi mester drumi meimei di esnan ku nan rosea ta kandela, yunan di hende, kende nan djente ta lansa i flecha, i nan lenga un spada skerpi.

⁵Sea halsa ariba di e shelunan, O Dios, i Bo gloria ariba henter mundu.

⁶Nan a prepara un reda pa mi pasonan; mi alma ta abati; nan a koba un buraku mi dilanti; nan mes a kai aden.

⁷Mi kurason ta para firme, O Dios, mi kurason ta para firme; lo mi kanta, si, lo mi kanta alabansa!

⁸Spierta, O mi gloria; spierta, arpa i lirio; lo mi spierta e ourora!

⁹Lo mi alabaBo, O Senor, meimei di e pueblonan; lo mi kanta alabansa na Bo meimei di e nashonnan.

¹⁰Pasobra Bo miserikordia ta grandi te na e shelunan, i Bo berdat te na e nubianan.

¹¹Sea halsa ariba di e shelunan, O Dios, i Bo gloria ariba henter tera.di David.