Read Papantla Totonac Salmonan 59 Bible Online

Salmonan 59 - Papantla Totonac bible

Salmonan 59

¹Librami for di mi enemigunan, O mi Dios; protehami for di esnan ku ta lanta kontra mi.

²Librami for di esnan ku ta hasi inikidat, i salbami for di hombernan dramado di sanger.

³Pasobra mira, nan a skonde pa atakami; hombernan poderoso ta konspira kontra mi, no pa mi transgreshon, ni pa mi pika, O SENOR;

⁴sin ningun kulpa di mi banda nan ta kore bin i ta prepara nan mes. Lanta riba pa bin yudami, i mira!

⁵I Abo, O SENOR Dios di ehersitonan, e Dios di Israel, lanta pa kastiga tur e nashonnan; no tene miserikordia di ningun traido malbado.

⁶Nan ta bolbe atardi, nan ta yora manera kacho, i ta bai ront den stat.

⁷Mira, nan ta respu ku nan boka; tin spada riba nan lepnan, pasobra nan ta puntra: "Ken ta tende?"

⁸Ma Abo, O SENOR, ta hari nan; Bo ta hasi bofon di tur e nashonnan.

⁹Mi fortalesa, riba Bo lo mi spera, pasobra Dios ta mi defensa.

¹⁰Mi Dios lo kontra ku mi den Su miserikordia; Dios lo lagami mira triunfantemente riba mi enemigunan.

¹¹No mata nan, pa mi pueblo no lubida; plama nan pa medio di Bo poder i baha nan te na suela, O Senor, nos eskudo.

¹²Pa motibu di e pika di nan boka i e palabranan di nan lepnan, laga nan wordu kohl den nan orguyo. I pa motibu di maldishonnan i mentiranan ku nan ta papia,

¹³destrui nan den furia, destrui nan pa nan no t'ei mas; pa hende por sa ku Dios ta goberna den Jakob, te na e finnan di tera.

¹⁴I nan ta bolbe atardi, nan ta yora manera kacho, i ta kana ront den stat.

¹⁵Nan ta dwal ront pa buska kuminda, i nan ta gruna si nan no hana basta.

¹⁶Ma pa loke t'ami, lo mi kanta di Bo fortalesa; si, mainta lo mi kanta ku goso di Bo miserikordia; pasobra Bo tabata mi defensa, i un refugio den e dia di mi angustia.

¹⁷O mi fortalesa, lo mi kanta alabansa na Bo; pasobra Dios ta mi defensa, e Dios ku ta mustra miserikordia na mi.Un Miktam di David, pa sinansa, tempu ku e tabata bringa ku Aram-naharaim i ku Aram-zoba, tempu ku Joab a bolbe i a mata diesdos mil hende di Edom den e Vaye di Salu.