Read Papantla Totonac Salmonan 63 Bible Online

Salmonan 63 - Papantla Totonac bible

Salmonan 63

¹O Dios, Bo ta mi Dios; ku tur seriedat lo mi buskaBo; mi alma tin set di Bo, mi karni ta anhela na Bo, den un tera seku i yen di set, kaminda no tin awa.

²Pesei mi a kontemplaBo den e santuario, pa mira Bo poder i Bo gloria.

³Pasobra Bo miserikordia ta miho ku bida, mi lepnan lo alabaBo.

⁴Asina lo mi bendishonaBo tanten ku mi tin bida; den Bo nomber lo mi halsa mi mannan.

⁵Mi alma ta keda sasia, komo si fuera ta ku tuti i vet el a wordu sasia, i mi boka ta alabaBo ku lepnan di alegria.

⁶Ora mi korda riba Bo riba mi kama, mi ta medita riba Bo den e vigilianan di anochi.

⁷Pasobra Bo tabata mi yudansa, i den e sombra di Bo halanan mi ta kanta ku goso.

⁸Mi alma ta tene duru na Bo; Bo man drechi ta sostendmi.

⁹Ma esnan ku ta buska mi alma pa destrui lo baha den e profundidatnan di tera.

¹⁰Nan lo wordu entrega na e poder di spada; nan lo ta proi pa lobo.

¹¹Ma e rei lo regosiha den Dios; tur esnan ku ta hura na djé lo gloria, ma boka di esnan ku ta papia mentira lo keda tapa.