Read Papantla Totonac Salmonan 66 Bible Online

Salmonan 66 - Papantla Totonac bible

Salmonan 66

¹Grita di alegria na Dios, mundu henter;

²kanta e gloria di Su nomber; hasi Su alabansa glorioso.

³Bisa Dios: "Ki temibel ta Bo obranan! Pa motibu di e grandesa di Bo poder Bo enemigunan lo somete nan mes na Bo ku obedensia fingi.

⁴Mundu henter lo adoraBo i lo kanta alabansa na Bo; nan lo kanta alabansa na Bo nomber."

⁵Bin i mira e obranan di Dios; E ta temibel den Su echonan pa ku e yunan di hende.

⁶El a hasi laman bira tera seku; na pia nan a pasa dor di riu; laga nos regosiha den djé ayanan!

⁷E ta goberna pa medio di Su poder pa semper; Su wowonan ta vigila e nashonnan; no laga e rebeldenan halsa nan mes.

⁸Bendishona nos Dios, O pueblonan, i laga e zonidu di Su alabansa resona;

⁹El a tene nos na bida i no a permiti pa nos pia slep.

¹⁰Pasobra Bo a pone nos na prueba, O Dios; Bo a refina nos manera plata ta wordu refina.

¹¹Bo a hala nos den reda, Bo a pone un karga pisa riba nos hepnan.

¹²Bo a laga hende pasa riba nos kabes; nos a pasa dor di kandela i dor di awa; tog Bo a hiba nos na un luga di abundansia.

¹³Lo mi drenta den Bo kas ku ofrendanan kima; lo mi paga mi promesanan na Bo,

¹⁴kualnan mi lepnan a priminti i mi boka a papia tempu ku mi tabata den angustia.

¹⁵Lo mi ofrese na Bo ofrendanan kima di bestianan gorda huntu ku e huma di karnenan chubatu; lo mi ofrese bishenan machu ku kabritunan chubatu.

¹⁶Bin i tende, boso tur ku ta teme Dios, i lo mi konta loke El a hasi pa mi alma.

¹⁷Mi a sklama na djé ku mi boka, i El a wordu glorifika ku mi lenga.

¹⁸Si mi a warda maldat den mi kurason, Senor lo no a tendemi;

¹⁹ma di berdat, Dios a tende; El a paga atenshon na e bos di mi orashon.

²⁰Bendishona sea Dios, Kende no a rechasa mi orashon, ni a kita Su miserikordia for di mi.kantika.