Read Papantla Totonac Salmonan 68 Bible Online

Salmonan 68 - Papantla Totonac bible

Salmonan 68

¹Laga Dios lanta, laga Su enemigunan wordu plama; laga esnan ku ta odi'E hui Su dilanti.

²Meskos ku huma ta wordu plama, plama nan tambe; meskos ku was ta dirti dilanti di kandela, asina laga e malbadonan perese dilanti di Dios.

³Ma laga e hustunan ta kontentu; laga nan regosiha dilanti di Dios; si, laga nan gosa di alegria.

⁴Kanta na Dios, kanta alabansa na Su nomber; prepara un kaminda grandi pa Esun ku ta kabalga riba e nubianan, Kende Su nomber ta SENOR, i regosiha Su dilanti.

⁵Un tata di werfano i un hues pa biuda, ta Dios den Su habitashon santu.

⁶Dios ta provee un kas pa e solitario; E ta saka e prezonan guia nan na prosperidat, ma e rebeldenan ta biba na un tera seku-seku.

⁷O Dios, tempu ku Bo tabata sali dilanti di Bo pueblo, tempu ku Bo tabata marcha dor di e desierto,

⁸tera tabata tembla; shelunan tambe tabata gotia awa, den e presensia di Dios, Sinai mes tabata tembla den e presensia di Dios, e Dios di Israel.

⁹Bo a laga awaseru abundante basha tur kaminda, O Dios; Bo a konfirma Bo erensia, tempu ku e tera tabata seku-seku.

¹⁰Bo pueblo a bai biba den dje; den Bo bondat, O Dios, Bo a provee pa e pobernan.

¹¹Senor ta duna e palabra; i esnan ku ta proklama esaki ta un ehersito grandi:

¹²"Reinan di ehersitonan ta hui, nan ta hui, i esun ku ta keda kas lo parti e botm!"

¹³Ora boso kai drumi den kuranan di karne, boso ta manera hala di palomba, fura ku plata, i su plumanan ku oro ku ta lombra.

¹⁴Tempu ku e Haltisimo a plama e reinan ayanan, sneu tabata kai riba Seru Salmon.

¹⁵Un seru di Dios e seru di Basan ta, un seru di hopi kabes e seru di Basan ta.

¹⁶O serunan di hopi kabes, pakiko boso ta mira ku envidia na e seru ku Dios a desea komo Su luga di biba? Siguramente SENOR lo biba ayanan pa semper.

¹⁷E garoshinan di Dios ta binti mil, sp miles i miles; Senor ta meimei di nan, meskos ku na Sinai, den e luga santu.

¹⁸Bo a subi bai den haltura, Bo a hiba koutiverio komo katibu; Bo a risibl donnan entre hende, si, entre e rebeldenan tambe, pa SENOR Dios por biba ayanan.

¹⁹Bendishona sea Senor, e Dios di nos salbashon, Kende dia tras dia ta karga nos karganan.

²⁰Dios ta un Dios di liberashonnan pa nos; i serka DIOS e Senor tin skapatorio for di morto.

²¹Siguramente Dios lo plecha kabes di Su enemigunan, e korona di kabes yen di kabei di esun ku ainda ta sigui den su transgreshonnan.

²²Senor a bisa: "Lo Mi trese nan bek for di Basan. Lo Mi trese nan bek for di e profundidatnan di laman,

²³pa bo pia por bana den sanger di bo enemigunan, mientras ku e lenganan di bo kachonan por hana nan porshon for di esei."

²⁴Nan a mira Bo proseshon, O Dios, e proseshon di mi Dios, mi Rei, den e santuario.

²⁵E kantadonan a bai dilanti, tras di nan e musikonan, meimei di nan e birgennan ku tabata toka tamburein.

²⁶Bendishona Dios den e kongregashonnan, bendishona SENOR, boso ku ta di e fuente di Israel.

²⁷Ata Benjamin, esun di mas chikitu, ta goberna nan, e prensnan di Juda ku nan trupa, e prensnan di Zabulon, e prensnan di Neftalr

²⁸Bo Dios a ordena bo forsa; mustra Bo mes fuerte, O Dios, Kende a obra pa nos.

²⁹Pa motibu di Bo tempel na Jerusalem reinan lo trese regalo pa Bo.

³⁰Reprende e bestianan ku ta den e richinan, e trupa di toro, huntu ku e bishenan di e pueblonan, te ora nan tur somete nan mes ku pidanan di plata; El a plama e pueblonan ku tin delisia den guera.

³¹Prensnan lo sali for di Egipto; pronto Etiopia lo ekstende su mannan na Dios.

³²Kanta na Dios, O reinonan di tera; kanta alabansa na Senor,

³³na Esun ku ta kabalga riba e shelu di shelunan, kualnan ta for di tempunan antiguo; at'E ta laga Su bos resona, un bos poderoso.

³⁴Atribui poder na Dios; Su mahestat ta riba Israel, i Su poder ta den e nubianan.

³⁵O Dios, Bo ta temibel for di Bo santuario. E Dios di Israel, E mes ta duna e pueblonan forsa i poder. Bendishona sea Dios!David.