Read Papantla Totonac Salmonan 7 Bible Online

Salmonan 7 - Papantla Totonac bible

Salmonan 7

¹O SENOR, mi Dios, den Bo mi a tuma refugio; salbami di tur esnan ku ta persiguimi, i librami,

²pa nan no habraka mi alma manera leon, i lastrami bai kune, sin ku tin un hende pa librami.

³O SENOR mi Dios, si mi a hasi esaki, si tin inhustisia den mi mannan,

⁴si mi a paga ku maldat esun ku tabata na pas ku mi, of si mi a plunder esun ku sin motibu tabata mi atversario,

⁵anto laga e enemigu persigui mi alma, i alkans'e; i lagu'e trapa mi bida te na suela, i pone mi onor den stof.

⁶Lanta, O SENOR, den Bo rabia; halsa Bo mes kontra e furia di mi atversarionan, spierta, mi Dios; Bo a ordena huisio.

⁷Laga e asamblea di e pueblonan rondonaBo, i goberna riba nan for di e halturanan.

⁸SENOR ta huzga e pueblonan; vindikami, O SENOR, segun mi hustisia, segun mi integridat ku ta den mi.

⁹Laga e maldat di e malbado yega na un fin, ma stablese e hustu; pasobra e Dios hustu ta pone kurason i mente na prueba.

¹⁰Mi eskudo ta den Dios, Kende ta salba esnan rekto di kurason.

¹¹Dios ta un hues hustu, i tur dia Dios ta rabia ku e malbado.

¹²Si un hende no repenti, E lo mula Su spada; El a span Su bog i a pon'e kla.

¹³Tambe El a prepara Su armanan mortal; E ta prepara Su flechanan ardiente pa Su persiguidonan.

¹⁴Ata, e ta den e dolo-di-parto di inikidat, i e ta konsebi perversidat i ta pari falsedat.

¹⁵El a koba un buraku i a hasie hundu, i a kai den e buraku ku e mes a koba.

¹⁶Su perversidat lo bolbe riba su mes kabes, i su violensia lo baha riba korona di su mes kabes.

¹⁷Lo mi alaba SENOR segun Su hustisia, i lo mi kanta alabansa na e nomber di e SENOR Haltisimo.