Read Papantla Totonac Salmonan 73 Bible Online

Salmonan 73 - Papantla Totonac bible

Salmonan 73

¹Siguramente Dios ta bon pa Israel, pa esnan ku ta di kurason puru!

²Ma pa loke t'ami, mi pia a hera di trompeka; parumpinga mi pasonan a slep.

³Pasobra mi tabata envidioso di e arogantenan, ora mi a mira e prosperidat di e malbadonan.

⁴Pasobra nan no konose dolo na ora di morto, i nan kurpa ta salu i fuerte.

⁵Nan no ta pasa trabou manera otro hende; ni nan no ta wordu afligi manera otro hende.

⁶Pesei orguyo ta nan koyar; violensia ta tapa nan manera un bisti.

⁷Nan wowo ta bul'afo di vet; e imaginashonnan di nan kurason no tin limite.

⁸Nan ta hasi bofon, i ku maldat nan ta papia di opreshon; nan ta papia ku arogansia.

⁹Nan a habri nan boka kontra e shelunan; i nan lenga ta keiru tur ront di mundu.

¹⁰Pesei su pueblo ta bolbe na e luga aki; i nan ta bebe awanan di abundansia.

¹¹I nan ta puntra: "Ta kon Dios por sa? E Haltisimo tin konosementu?"

¹²Mira, esakinan ta e malbadonan, ku semper ta trankil; nan rikesa ta oumenta.

¹³Siguramente ta en bano mi a tene mi kurason puru, i a laba mi mannan den inosensia;

¹⁴pasobra henter dia mi a wordu afligi, i tur mainta mi a wordu kastiga.

¹⁵Si mi a bisa: "Lo mi papia asina'', mira, lo mi a traishona e generashon di Bo yunan.

¹⁶Ora mi a purba komprende esaki, el a resulta masha trabahoso pa mi,

¹⁷te ora ku mi a drenta den e santuario di Dios; e ora ei mi a bin komprende nan fin.

¹⁸Siguramente Bo ta pone nan den luganan ku ta slep; Bo ta tira nan abou den destrukshon.

¹⁹Mira kon nan a wordu destrui den un momento, kompletamente kita, elimina dor di teror!

²⁰Manera un sono ora ku un hende spierta, asina, O Senor, ora Abo spierta, lo Bo despresia nan aparensia.

²¹Tempu ku mi kurason tabata yen di amargura, i mi tabata kunsumi te den mi higra,

²²mi tabata bobo i ignorante; mi tabata manera un bestia Bo dilanti.

²³Sinembargo, mi ta konstantemente serka Bo; Bo a kohe mi man drechi tene.

²⁴Ku Bo konseho lo Bo guiami, i despues risibimi den gloria.

²⁵Ta ken mi tin den shelu fuera di Bo? I fuera di Bo mi no ta desea nada riba tera.

²⁶Mi karni i mi kurason por faya, ma Dios ta e fortalesa di mi kurason i mi porshon pa semper.

²⁷Pasobra mira, esnan ku ta leu for di Bo lo perese; Bo a destrui tur esnan ku ta infiel na Bo.

²⁸Ma pa loke t'ami, ta bon pa mi keda serka di Dios; mi a hasi Senor DIOS mi refugio, pa mi por konta di tur Bo obranan.