Read Papantla Totonac Salmonan 75 Bible Online

Salmonan 75 - Papantla Totonac bible

Salmonan 75

¹Nos ta gradisiBo, O Dios, nos ta gradisiBo, pasobra Bo nomber ta serka; hende ta konta di Bo obranan maraviyoso.

²"Ora Mi skohe un tempu stipula, Mi ta huzga ku rektitut.

³Tera i tur ku ta biba den dje ta tambalia; ta Ami ta Esun ku ta sostene su pilarnan.

⁴Mi a bisa esnan ku ta gusta gaba: 'No gaba,' i e malbadonan: 'No halsa kachu;

⁵no halsa boso kachu te na shelu; no papia ku arogansia.'"

⁶Pasobra halsamentu no ta bin ni di pariba, ni di pabou, ni di desierto.

⁷Ma Dios ta Hues; E ta umiya esun i ta halsa e otro.

⁸Pasobra den e man di SENOR tin un kopa, i e bina ta skuma; e bina ta bon meskla, i di e bina aki E ta basha; siguramente, tur e malbadonan di tera mester beb'e te na e ultimo gota, asta su kachikachi.

⁹Ma pa loke t'ami, ami lo anunsia esaki pa semper, lo mi kanta alabansa na e Dios di Jakob.

¹⁰Tur e kachunan di e malbadonan E lo korta kit'afo, ma e kachunan di e hustunan lo wordu halsa.Asaf, un kantika.