Read Papantla Totonac Salmonan 76 Bible Online

Salmonan 76 - Papantla Totonac bible

Salmonan 76

¹DIOS ta konosi na Juda; Su nomber ta grandi na Israel.

²I Su tabernakel ta na Salem, i Su luga di biba tambe ta na Sion.

³Ayanan El a kibra e flechanan di e bog, e eskudo, e spada i e armanan di guera.

⁴Bo ta mas glorioso, mas mahestuoso ku e serunan yen di bestia pa yag ariba.

⁵E balentenan a wordu geplunder; nan a pega sono; i ni un di e guereronan no por a uza su mannan.

⁶Debi na Bo reprendementu, O Dios di Jakob, tantu koredo komo kabai a kai den un sono profundo.

⁷Abo, Abo mes, ta di teme; i ta ken por para den Bo presensia unabes ku Bo rabia?

⁸Bo a laga tende huisio for di shelu; tera a hana temor i a keda ketu,

⁹ora Dios a lanta pa huzga, pa salba tur e umildenan di tera.

¹⁰Pasobra e furia di hende lo alabaBo; ku e restante di furia lo Bo faha Bo mes.

¹¹Hasi promesanan na SENOR bo Dios i kumpli ku nan; laga tur esnan ku ta ront di djé trese regalo pa Esun ku ta di teme.

¹²E lo korta spiritu di e prensnan kit'afo; e reinan di tera tin temor di djé.