Read Papantla Totonac Salmonan 79 Bible Online

Salmonan 79 - Papantla Totonac bible

Salmonan 79

¹O DIOS, e nashonnan a invadi Bo erensia; nan a profana Bo tempel santu; nan a hasi Jerusalem bira un ruina.

²Nan a duna e kadavernan di Bo sirbidonan komo kuminda pa e parhanan di shelu, e karni di Bo santunan na e bestianan di tera.

³Nan a drama nan sanger manera awa tur ront di Jerusalem, i no tabatin ningun hende pa dera nan.

⁴Nos a bira un reproche pa nos bisinanan, un despresio i bofon pa esnan ku ta ront di nos.

⁵Kuantu tempu mas, O SENOR? Lo Bo keda rabia pa semper? Bo yalursheit lo kima manera kandela?

⁶Basha Bo furia riba e nashonnan ku no konoseBo, i riba e reinonan ku no ta invoka Bo nomber.

⁷Pasobra nan a devora Jakob, i a ruina su habitashon.

⁸No rekorda e inikidatnan di nos antepasadonan; laga Bo kompashon bin pronto na nos enkuentro, pasobra nos ta hopi abati.

⁹Yuda nos, O Dios di nos salbashon, pa e gloria di Bo nomber; libra nos i pordona nos pikanan, pa kousa di Bo nomber.

¹⁰Pakiko e nashonnan mester puntra: "Unda nan Dios ta?" Dilanti di nos bista, hasi konosi meimei di e nashonnan ku Bo ta venga e sanger drama di Bo sirbidonan.

¹¹Laga e kehamentu di e prezo bin Bo dilanti; segun e grandesa di Bo poder preserva esnan kondena na morto.

¹²I debolbe nos bisinanan shete biaha den nan skochi e reproche ku kual nan a reprochaBo, O Senor.

¹³Asina nos, Bo pueblo i e karnenan ku Bo ta pastoria, lo gradisiBo pa semper; nos lo deklara Bo alabansa na tur generashon.testimonio di Asaf. Un salmo.