Read Papantla Totonac Salmonan 8 Bible Online

Salmonan 8 - Papantla Totonac bible

Salmonan 8

¹O SENOR, nos Senor, ki mahestuoso Bo nomber ta riba henter mundu, Abo ku a pone Bo splendor mas ariba di e shelunan!

²For di boka di chikitunan i di yunan na pechu Bo a stablese fortalesa pa motibu di Bo atversarionan, pa silensia e enemigu i e hende vengativo.

³Ora mi kontempla Bo shelunan, e obra di Bo dedenan, e luna i e streanan ku Abo a stablese,

⁴ta kiko hende ta, ku Bo ta korda di dje? I e yu di hende, ku Bo ta hasi kaso di dje?

⁵Sinembargo, Bo a hasie un poko menos ku e angelnan, i ta koron'e ku gloria i mahestat!

⁶Bo ta lagu'e tin dominio riba e obranan di Bo mannan; Bo a pone tur kos bou di su pia,

⁷tur karne i baka, i tambe e bestianan di mondi,

⁸e parhanan di shelu i e piskanan di laman, tur loke ta pasa den e berehanan di laman.

⁹O SENOR, nos Senor, ki mahestuoso Bo nomber ta riba henter mundu!Un salmo di David.