Read Papantla Totonac Salmonan 80 Bible Online

Salmonan 80 - Papantla Totonac bible

Salmonan 80

¹Skucha, O Wardado di Israel, Abo ku ta guia Jose manera un tou di karne; Abo ku ta sinta riba trono ariba di e kerubinnan, resplandese!

²Lanta Bo poder dilanti di Efrain, Benjamin i Manases, i bin pa salba nos!

³Restora nos, O Dios, i hasi Bo kara resplandese, i nos lo ta salba.

⁴O SENOR Dios di ehersitonan, kuantu tempu mas lo Bo mustra Bo indignashon kontra e orashon di Bo pueblo?

⁵Bo a alimenta nan ku pan di lagrima, i Bo a hasi nan bebe awa di wowo na abundansia.

⁶Bo a hasi nos un motibu di pleitu pa nos bisinanan, i nos enemigunan ta hari nan ku nan.

⁷Restora nos, O Dios di ehersitonan, i hasi Bo kara resplandese, i nos lo ta salba.

⁸Bo a saka un mata di wendruif for di Egipto; Bo a kore ku e nashonnan, i a plant'e.

⁹Bo a prepara e tera p'e; el a saka rais i a yena e tera.

¹⁰E serunan a keda tur tapa ku su sombra, i e palunan di seda di Dios, ku su ramanan.

¹¹E tabata manda su takinan te na laman, i su spreitnan te na Riu Eufrates.

¹²Pakiko Bo a basha su trankeranan abou, asina ku tur ku ta pasa pa e kaminda ei ta piki su fruta?

¹³Porko di mondi ta kaba kune, i e bestianan di mondi ta kom'e limpi-limpi.

¹⁴Nos ta rogaBo, bolbe, O Dios di ehersitonan, wak abou for di shelu i mira, i atende e mata di wendruif aki,

¹⁵e spreit ku Bo man drechi a planta, i mira riba e yu homber ku Bo a hasi fuerte pa Bo mes.

¹⁶E ta tur kima ku kandela, e ta korta basha abou; debi na e reprendementu di Bo mirada, nan ta perese.

¹⁷Laga Bo man ta riba e homber di Bo man drechi, riba e yu di hende ku Bo a hasi fuerte pa Bo mes.

¹⁸E ora ei nos lo no bandonaBo; rebiba nos, i nos lo invoka Bo nomber.

¹⁹Restora nos, O SENOR Dios di ehersitonan; hasi Bo kara resplandese, i nos lo ta salba.