Read Papantla Totonac Salmonan 84 Bible Online

Salmonan 84 - Papantla Totonac bible

Salmonan 84

¹Ki dushi ta Bo luganan di biba, O SENOR di ehersitonan!

²Mi alma ta anhela, si, ta antoha pa e pationan di SENOR; mi kurason i mi karni ta kanta ku goso na e Dios bibu.

³Asta mofi a hana un kas, i zwarchi un neishi pa su mes, kaminda e por pone su yunan, esta, Bo altarnan, O SENOR di ehersitonan, mi Rei i mi Dios.

⁴Bendishona ta esnan ku ta biba den Bo kas; pa semper nan ta alabaBo.

⁵Bendishona ta e hende, kende su fortalesa ta den Bo, den kende su kurason e kamindanan pa Sion ta.

⁶Pasando dor di e Vaye di Baka, nan ta hasie bira un fuente; tambe e prome yobida ta tap'e ku bendishon.

⁷Nan ta bai di forsa pa forsa, i nan tur ta presenta dilanti di Dios na Sion.

⁸O SENOR Dios di ehersitonan, tende mi orashon; skucha, O Dios di Jakob!

⁹O Dios, nos eskudo, opserva i mira e kara di Bo ungi.

¹⁰Pasobra un dia den Bo pationan ta miho ku mil dia pafo. Mi ta prefera di para na entrada di e kas di mi Dios ku biba den e tentnan di maldat.

¹¹Pasobra SENOR Dios ta un solo i un eskudo; SENOR ta duna grasia i gloria; E no ta keda sin duna loke ta bon na esnan ku ta kana den rektitut.

¹²O SENOR di ehersitonan, bendishona ta e hende ku ta konfia den Bo!