Read Papantla Totonac Salmonan 86 Bible Online

Salmonan 86 - Papantla Totonac bible

Salmonan 86

¹Inklina Bo orea, O SENOR, i kontestami, pasobra mi ta afligi i den nesesidat.

²Preserva mi alma, pasobra mi ta un homber deboto; Abo, O mi Dios, salba Bo sirbido ku ta konfia den Bo.

³Tene miserikordia di mi, O Senor, pasobra ta na Bo mi ta sklama henter dia.

⁴Hasi e alma di Bo sirbido kontentu, pasobra ta na Bo, O Senor, mi ta halsa mi alma.

⁵Pasobra Abo, Senor, ta bon, i kla pa pordona, i abundante den miserikordia pa tur esnan ku ta sklama na Bo.

⁶Skucha mi orashon, O SENOR, i paga atenshon na e bos di mi suplikanan!

⁷Den e dia di mi angustia lo mi sklama na Bo, pasobra Abo lo kontestami.

⁸No tin ningun manera Bo entre e diosnan, O Senor, tampoko no tin ningun obra manera Bo obranan.

⁹Tur nashon ku Bo a traha lo bin adora Bo dilanti, O Senor, i nan lo glorifika Bo nomber;

¹⁰pasobra Bo ta grandi i ta hasi obranan maraviyoso; Abo so ta Dios.

¹¹Sinami Bo kaminda, O SENOR; lo mi kana den Bo berdat; uni mi kurason pa teme Bo nomber.

¹²Lo mi alabaBo, O Senor mi Dios, ku henter mi kurason, i lo mi glorifika Bo nomber pa semper.

¹³Pasobra Bo miserikordia pa ku mi ta grandi, i Bo a libra mi alma for di e profundidatnan di Seol.

¹⁴O Dios, hendenan arogante a lanta kontra mi, i un trupa di hende violento a buska mi bida, i nan no a poneBo nan dilanti.

¹⁵Ma Abo, O Senor, ta un Dios yen di kompashon i grasia, Kende no ta rabia lihe, i ta abundante den miserikordia i berdat.

¹⁶Bira wak mi, i tene miserikordia di mi; duna Bo sirbido Bo fortalesa, i salba e yu homber di Bo sirbiente.

¹⁷Mustrami un senal pa bon, pa esnan ku ta odiami mira esaki i keda na berguensa, pasobra Abo, O SENOR, a yudami i a konsolami.