Read Papantla Totonac Salmonan 88 Bible Online

Salmonan 88 - Papantla Totonac bible

Salmonan 88

¹O SENOR, e Dios di mi salbashon, di dia i anochi mi a sklama Bo dilanti.

²Laga mi orashon yega Bo dilanti; inklina Bo orea na mi sklamashon!

³Pasobra mi alma tabata yen di angustia, i mi bida a yega serka di Seol.

⁴Mi ta wordu konta den esnan ku ta baha den pos; mi a bira manera un hende sin forsa,

⁵bandona meimei di e mortonan, manera esnan mata, ku ta drumi den nan graf, kendenan Bo no ta korda mas, i nan ta korta kita for di Bo man.

⁶Bo a ponemi den e pos di mas hundu, den luganan skur, den e profundidatnan.

⁷Bo furia tabata pisa riba mi, i Bo a afligimi ku tur Bo olanan.

⁸Bo a aleha mi konosinan leu for di mi; Bo a hasimi un abominashon pa nan. Mi ta tur ensera, i mi no por sali.

⁹Mi wowo a bira skur pa motibu di aflikshon. O SENOR, tur dia mi a sklama na Bo; mi a ekstende mi mannan na Bo.

¹⁰Akaso Bo ta hasi maraviyanan pa e mortonan? E mortonan ta lanta pa alabaBo?

¹¹Bo miserikordia ta wordu deklara den graf, Bo fieldat den e luga di destrukshon?

¹²Bo maraviyanan lo wordu hasi konosi den e skuridat, i Bo hustisia den e tera di olvido?

¹³Ma ami a sklama na Bo pa yudansa, O SENOR, i mainta mi orashon ta yega Bo dilanti.

¹⁴O SENOR, pakiko Bo ta rechasa mi alma? Pakiko Bo ta skonde Bo kara pa mi?

¹⁵For di mi hubentut mi tabata afligi i serka di muri. Mi a padese Bo terornan, mi no por mas.

¹⁶Bo rabia ardiente a pasa riba mi; Bo terornan a destruimi.

¹⁷Henter dia nan tabata tur ront di mi manera awa; nan a rondonami kompletamente.

¹⁸Bo a aleha stimanan i amigunan leu for di mi; mi konosinan ta den skuridat.