Read Papantla Totonac Salmonan 91 Bible Online

Salmonan 91 - Papantla Totonac bible

Salmonan 91

¹Esun ku ta biba bou di e protekshon di e Haltisimo lo permanese den e sombra di e Todopoderoso.

²Lo mi bisa SENOR: "Mi refugio i mi forti, mi Dios, den Kende mi ta konfia!"

³Pasobra E ta Esun ku ta librabo for di e trampa di e yagdo, i for di e pest ku ta destrui.

⁴E lo kubribo ku Su plumanan, i bou di Su halanan lo bo buska refugio; Su fieldat ta un eskudo i un baluarte.

⁵Lo bo no tin miedu di e teror di anochi, ni di e flecha ku ta bula den dia,

⁶ni di e pest ku ta kana den skuridat, ni di e destrukshon ku ta destrui na ora di merdia.

⁷Mil por kai band'i bo, i dies mil na bo man drechi, ma serka bo e lo no yega.

⁸Solamente ku bo wowo lo bo opserva, i mira e rekompensa di e malbadonan.

⁹Pasobra bo a hasi SENOR, Kende ta mi refugio, e Haltisimo, bo luga di biba,

¹⁰nada malu lo no pasa ku bo, ni ningun plaga lo no yega serka di bo tent.

¹¹Pasobra E lo duna Su angelnan enkargo tokante di bo, pa wardabo den tur bo kamindanan.

¹²Den nan mannan nan lo kargabo, pa bo no dal bo pia na piedra.

¹³Lo bo kana riba leon i kobra; lo bo trapa riba leon chikitu i kolebra.

¹⁴"Pasobra el a stimaMi, pesei lo Mi libr'e; lo Mi proteh'e, pasobra e konose Mi nomber.

¹⁵E lo sklama na Mi, i Ami lo kontest'e; lo Mi ta kune den angustia; lo Mi reskat'e i onr'e.

¹⁶Ku bida largu lo Mi satisfas'e, i lagu'e mira Mi salbashon."