Read Papantla Totonac Salmonan 94 Bible Online

Salmonan 94 - Papantla Totonac bible

Salmonan 94

¹O SENOR, Dios di vengansa; Dios di vengansa, resplandese!

²Lanta, O Hues di tera; duna e orguyosonan nan pago.

³Kuantu tempu mas e malbadonan, O SENOR, kuantu tempu mas e malbadonan lo triunfa?

⁴Nan ta insulta, nan ta papia ku arogansia; tur esnan ku ta hasi maldat ta gaba nan mes.

⁵Nan ta plecha Bo pueblo, O SENOR, i ta afligi Bo erensia.

⁶Nan ta mata biuda i stranhero, i ta asesina e werfanonan.

⁷Nan a bisa: "SENOR no ta mira, ni e Dios di Jakob no ta paga tino."

⁸Boso, hende sin sinti den e pueblo, paga tino! Ki dia boso lo komprende, boso, hende bobo?

⁹Esun ku a planta orea, E no ta tende? Esun ku a forma wowo, E no ta mira?

¹⁰Esun ku ta kastiga nashonnan, lo E no reprende? Esta, Esun ku ta sina hende konosementu?

¹¹SENOR konose e pensamentunan di hende, ku nan ta banidat.

¹²Bendishona ta e hende ku Bo ta kastiga, O SENOR, i ku Bo ta sina for di Bo lei,

¹³pa Bo por dun'e sosiegu den e dianan di atversidat, te ora ku un buraku wordu koba pa e malbado.

¹⁴Pasobra SENOR no ta bandona Su pueblo, ni E no ta bai laga Su erensia.

¹⁵Pasobra huisio lo bira hustisia atrobe, i tur esnan rekto di kurason lo sigui esei.

¹⁶Ken lo lanta pa mi kontra hasidonan di maldat? Ken lo para pa mi kontra esnan ku ta hasi maldat?

¹⁷Si SENOR no tabata mi yudansa, pronto mi alma lo a biba den silensio.

¹⁸Si mi lo a bisa: "Mi pia ta slep," Bo miserikordia, O SENOR, lo sostenemi.

¹⁹Den e multitut di mi preokupashonnan den mi, Bo konsuelonan ta alegra mi alma.

²⁰Un trono di destrukshon por ta liga ku Bo-- un trono ku ta plania perversidat pa medio di dekreto?

²¹Nan ta uni nan mes kontra bida di e hustu, i ta kondena sanger inosente.

²²Ma SENOR tabata mi defensa, i mi Dios e baranka di mi refugio.

²³I El a trese nan inikidat bek riba nan mes, i lo destrui nan den nan maldat; SENOR nos Dios lo destrui nan.