Read Papantla Totonac Salmonan 95 Bible Online

Salmonan 95 - Papantla Totonac bible

Salmonan 95

¹Laga nos ban kanta ku goso na SENOR; laga nos grita di alegria na e baranka di nos salbashon.

²Laga nos bin den Su presensia ku gradisimentu; laga nos grita di alegria na djé ku salmo.

³Pasobra SENOR ta un Dios grandi, i un Rei grandi ariba tur e diosnan,

⁴den Kende Su man e profundidatnan di tera ta; e kabesnan di e serunan tambe ta di djé.

⁵Laman ta di djE, pasobra ta E ta Esun ku a trah'e; Su mannan a forma e tera seku.

⁶Laga nos ban adora i buig te na suela; laga nos hinka rudia dilanti di SENOR, Esun ku a traha nos.

⁷Pasobra E ta nos Dios, i nos ta e pueblo ku E ta pastoria, i e karnenan di Su man. Awe, si boso kier tende Su bos,

⁸no hasi boso kurason duru, manera a sosode na Meriba, manera den e dia di Masa den desierto,

⁹kaminda boso tatanan a probokaMi i a poneMi na prueba, apesar ku nan a mira Mi obra.

¹⁰Kuarenta ana largu Mi tabata masha desgusta ku e generashon ei, i a bisa ku nan ta un pueblo di kurason ku ta dwal, i nan no konose Mi kamindanan.

¹¹Pesei Mi a hura den Mi rabia, ku nan lo no drenta den Mi sosiegu.