Read Papantla Totonac Salmonan 96 Bible Online

Salmonan 96 - Papantla Totonac bible

Salmonan 96

¹Kanta un kantika nobo na SENOR; kanta na SENOR, henter mundu.

²Kanta na SENOR, bendishona Su nomber; proklama e bon nobo di Su salbashon dia tras dia.

³Konta di Su gloria meimei di e nashonnan, Su echonan maraviyoso meimei di tur e pueblonan.

⁴Pasobra SENOR ta grandi, i digno di ser alaba na gran manera; tambe E mester wordu temi mas ku tur dios.

⁵Pasobra tur e diosnan di e pueblonan ta idolo, ma ta SENOR a traha e shelunan.

⁶Splendor i mahestat ta Su dilanti, fortalesa i bunitesa ta den Su santuario.

⁷Atribui na SENOR, O famianan di e pueblonan, atribui na SENOR gloria i poder.

⁸Atribui na SENOR e gloria debi na Su nomber; trese un ofrenda i bin den Su plenchinan.

⁹Adora SENOR den e splendor di santidat; tembla Su dilanti, henter tera.

¹⁰Bisa meimei di e nashonnan: "SENOR ta reina; di berdat mundu ta firmemente stablesi, e lo no wordu movi: E lo huzga e pueblonan ku rektitut."

¹¹Laga e shelunan alegra, i laga tera regosiha; laga laman ronka, i tur loke ku e ta kontene;

¹²laga kunuku regosiha, i tur loke tin den dje. Anto tur e palunan di mondi-sera lo kanta di goso

¹³dilanti di SENOR, pasobra E ta bin; pasobra E ta bin pa huzga tera. E lo huzga mundu ku hustisia, i e pueblonan den Su fieldat.