Read Papantla Totonac Salmonan 97 Bible Online

Salmonan 97 - Papantla Totonac bible

Salmonan 97

¹SENOR ta reina; laga tera regosiha; laga e multitut di islanan ta kontentu.

²Nubianan i skuridat profundo ta rondon'E; hustisia i huisio ta e fundeshi di Su trono.

³Kandela ta bai Su dilanti, i ta kima Su atversarionan tur ront.

⁴Su lampernan ta lusa mundu; tera a mira i a tembla.

⁵E serunan ta dirti manera was dilanti di SENOR, den e presensia di e Senor di henter tera.

⁶E shelunan ta deklara Su hustisia, i tur e pueblonan ta mira Su gloria.

⁷Laga tur esnan ku ta sirbi imagennan graba, keda brongosa, esnan ku ta gloria den nan idolonan; boso, diosnan tur, ador'E.

⁸Sion a tende esaki i a keda kontentu, i e yu muhenan di Juda a regosiha pa motibu di Bo huisionan, O SENOR.

⁹Pasobra Abo ta e SENOR Haltisimo riba henter tera; Bo ta halsa muchu mas haltu ku tur e diosnan.

¹⁰Boso ku ta stima SENOR, odia maldat; E ta preserva alma di Su santunan; E ta libra nan for di man di e malbado.

¹¹Lus ta sembra pa e hustu, i alegria pa esnan ku ta rekto di kurason.

¹²Sea kontentu den SENOR, boso, hustunan, i duna gradisimentu na Su nomber santu.