Read Papantla Totonac Salmonan 98 Bible Online

Salmonan 98 - Papantla Totonac bible

Salmonan 98

¹O kanta na SENOR un kantika nobo, pasobra El a hasi kosnan maraviyoso; Su man drechi i Su brasa santu a gana e viktoria p'E.

²SENOR a hasi Su salbashon konosi; El a revela Su hustisia den bista di e nashonnan.

³El a korda riba Su miserikordia i Su fieldat pa ku e kas di Israel; tur e finnan di tera a mira e salbashon di nos Dios.

⁴Grita di alegria na SENOR, mundu henter; hubila i kanta di goso, i kanta alabansa.

⁵Kanta alabansa na SENOR ku lirio, ku lirio i ku bos di kantamentu,

⁶ku trompet i ku zonidu di kachu; grita di alegria dilanti di Rei, e SENOR.

⁷Laga laman ronka, i tur loke ku e ta kontene, mundu i esnan ku ta biba den dje.

⁸Laga e riunan bati man; laga e serunan huntu kanta di goso

⁹dilanti di SENOR, pasobra E ta bin pa huzga tera; E lo huzga mundu ku hustisia i e pueblonan ku rektitut.