Read Papantla Totonac Salmonan 99 Bible Online

Salmonan 99 - Papantla Totonac bible

Salmonan 99

¹SENOR ta reina, laga e pueblonan tembla; E ta sinta riba trono ariba di e kerubinnan, laga tera tembla!

²SENOR ta grandi den Sion, i E ta halsa riba tur e pueblonan.

³Laga nan alaba Bo nomber grandi i temibel; santu E ta.

⁴I e fortalesa di e Rei ta stima huisio; Bo a stablese rektitut; Bo a ehekuta huisio i hustisia den Jakob.

⁵Halsa SENOR nos Dios i adora na e banki pa Su pianan; pasobra E ta santu.

⁶Moises i Aaron tabata entre Su saserdotenan, i Samuel tabata entre esnan ku tabata invoka Su nomber; nan a sklama na SENOR i El a kontesta nan.

⁷El a papia ku nan den e pilar di nubia; nan a warda Su testimonionan, i e statuto ku El a duna nan.

⁸O SENOR nos Dios, Bo a kontesta nan; Bo tabata pa nan un Dios ku ta pordona, i tog Bo a tuma vengansa riba nan echonan.

⁹Halsa SENOR nos Dios, i adora na Su seru santu, pasobra SENOR nos Dios ta santu.