Read Papantla Totonac Proverbionan 14 Bible Online

Proverbionan 14 - Papantla Totonac bible

Proverbionan 14

¹E muhe sabi ta traha su kas, ma esun bobo ta bash'e abou ku su mes man.

²Esun ku ta kana den rektitut ta teme SENOR, ma esun ku ta perverso den su kamindanan ta despresi'E.

³Den boka di e bobo tin un bara pa su lomba, ma lepnan di e sabinan lo preserva nan.

⁴Kaminda no tin buey, stal ta keda limpi, ma dor di forsa di buey tin gran abundansia.

⁵Un testigu fiel no ta gana, ma un testigu falsu ta papia mentira.

⁶Un hasido di bofon ta buska sabiduria i no ta han'e, ma konosementu ta fasil pa esun ku tin komprendementu.

⁷Bandona e presensia di un hende bobo, sino lo bo no diserni palabranan di konosementu.

⁸Sabiduria di e prudente ta pa komprende su kaminda, ma bobedat di e bobonan ta engano.

⁹Hende bobo ta hasi bofon di pika, ma e fabor di Dios ta biba meimei di e rektonan.

¹⁰E kurason konose su mes amargura, i un deskonosi no ta komparti den su goso.

¹¹Kas di e malbadonan lo wordu destrui, ma tent di e rektonan lo florese.

¹²Tin un kaminda ku ta parse bon den bista di hende, ma su fin ta e kaminda di morto.

¹³Asta den harimentu kurason por tin dolo, i goso por kaba na pena.

¹⁴Esun ku ta infiel den su kurason lo fada di su mes kamindanan, ma un bon hende lo keda satisfecho ku esun

¹⁵E hende simpel ta kere tur kos, ma e homber prudente ta wak bon unda e ta bai.

¹⁶Un hende sabi ta kouteloso, i ta aparta su mes for di maldat, ma e bobo ta arogante i sin kuidou.

¹⁷Un hende ku ta rabia lihe ta hasi ko'i bobo, i un hende ku mal intenshon ta wordu odia.

¹⁸E simpelnan ta ereda lokura, ma e prudentenan ta korona ku konosementu.

¹⁹E malbadonan lo buig pa e bonnan, i e impionan lo buig na e portanan di hende hustu.

²⁰E pober ta wordu odia asta dor di su bisina, ma e riku tin hopi amigu.

²¹Esun ku despresia su prohimo ta hasi pika, ma esun ku tin miserikordia di e pobernan ta felis.

²²Esnan ku ta plania maldat no ta kana dwal? Ma lo tin miserikordia i berdat pa esnan ku ta plania bondat.

²³ Den tur trabou tin ganashi, ma djis papia ku boka so ta kondusi na pobresa.

²⁴Korona di e sabinan ta nan rikesa, ma bobedat di e bobonan ta lokura.

²⁵Un testigu berdadero ta salba bidanan, ma esun ku papia mentira ta traishonero.

²⁶Den e temor di SENOR tin konfiansa fuerte, i su yunan lo tin un luga di refugio.

²⁷E temor di SENOR ta un fuente di bida, pa evita e trampanan di morto.

²⁸Un poblashon grandi ta gloria di un rei, ma skarsedat di hende ta ruina di un prens.

²⁹Esun ku no ta rabia lihe tin gran komprendementu, ma esun ku ta rabia lihe ta halsa bobedat.

³⁰Un kurason trankil ta bida pa e kurpa, ma envidia ta putrimentu di wesu.

³¹Esun ku oprimi e pober ta insulta Esun ku a trah'e, ma esun ku tene miserikordia di esun den nesesidat ta onr'E.

³²E malbado ta keda benta abou den su maldat, ma e hustu tin un refugio na ora di su morto.

³³Sabiduria ta reposa den kurason di esun ku tin komprendementu, i asta entre e bobonan e ta hasi su mes konosi.

³⁴Hustisia ta halsa un nashon, ma pika ta un berguensa pa kualke nashon.

³⁵Rei tin delisia den un sirbido sabi, ma su rabia ta kontra esun ku ta kousa berguensa.