Read Papantla Totonac Proverbionan 19 Bible Online

Proverbionan 19 - Papantla Totonac bible

Proverbionan 19

¹Miho un hende pober ku ta kana den su integridat, ku un hende ku tin boka perverso i ta bobo tambe.

²Tampoko no ta bon pa hende ta sin konosementu; i esun ku ta pura ku su pianan ta peka.

³Lokura di un hende ta ruina su kaminda, i den su kurason e ta bira razu kontra SENOR.

⁴Rikesa ta trese hopi amigu, ma amigu di un hende pober ta bandon'e.

⁵Un testigu falsu no ta keda sin kastigu, i esun ku ta papia mentira no ta skapa.

⁶Hopi ta esnan ku ta buska fabor di hende generoso, i tur hende ta amigu di esun ku ta duna regalo.

⁷Tur ruman di e hende pober ta odi'e; kuantu mas su amigunan ta hala leu for di dje! E ta buska nan ku palabra, ma nan no t'ei mas.

⁸Esun ku hana sabiduria ta stima su mes alma; esun ku warda komprendementu lo hana bondat.

⁹Un testigu falsu lo no keda sin kastigu, i esun ku papia mentira lo perese.

¹⁰Luho no ta pas pa un bobo, muchu menos pa un esklabu goberna riba prensnan.

¹¹Prudensia di un hende ta hasi ku e no ta rabia lihe, i pa laga un ofensa pasa ta su gloria.

¹²Furia di un rei ta manera e grunamentu di leon, ma su grasia ta manera serena riba yerba.

¹³Un yu bobo ta kalamidat pa su tata, i pleitamentu di un esposa ta manera gota di awa ku ta lek konstantemente.

¹⁴Kas i rikesa ta erensia di tatanan, ma un esposa prudente ta di SENOR.

¹⁵Flohedat ta pone hende kai den sono profundo, i un hende ku sinta pornada lo sufri hamber.

¹⁶Esun ku warda e mandamentu ta warda su alma, ma esun ku deskuida su kamindanan lo muri.

¹⁷Esun ku tene miserikordia di un hende pober ta fia SENOR, i E lo pagu'e bek pa su bon obra.

¹⁸Disiplina bo yu mientras ku tin speransa ainda, i no desea su morto.

¹⁹Un hende di mal rabia lo sufri kastigu, pasobra si bo reskat'e, lo bo tin ku hasie atrobe.

²⁰Skucha konseho i asepta disiplina, pa bo por ta sabi pa restu di bo bida.

²¹Tin hopi plan den kurason di hende, ma e konseho di SENOR, esei lo permanese.

²²Loke ta deseabel den un hende ta su karino; i un hende pober ta miho ku un ganado.

²³E temor di SENOR ta kondusi na bida, asina ku un hende por drumi trankil, sin miedu di maldat.

²⁴Un floho ta hinka su man den tayo, i ni sikiera ta hib'e bek na su boka.

²⁵Suta un hasido di bofon, i un simpel lo bira spiertu, i koregi un ku tin komprendementu, i e lo hana konosementu.

²⁶Esun ku maltrata su tata i kore ku su mama ta un yu ku ta kousa berguensa i ta trese reproche.

²⁷Stop di skucha instrukshon, mi yu, i lo bo desvia for di e palabranan di konosementu.

²⁸Un testigu perverso ta hasi bofon di hustisia, i boka di e malbado ta guli inikidat.

²⁹Huisio ta prepara pa hasido di bofon, i sla pa lomba di bobo.